भक्तपुर, असार २२ । गए राति भएको भिषण वर्षाका कारण काठमाडौं उपत्यका भित्र बग्ने अधिकांश नदीहरुको जल सतह बढेको छ । खासगरी भक्तपुरको हनुमन्ते खोला र काठमाडौं–ललितपुरहुँदै बग्ने बागमती नदीको जलस्तर असामान्य रुपले बढिरहेको छ ।
तस्बिर: अमित श्यामा
हनुमन्ते खोलामा आएको बाढीका कारण भक्तपुरका राम मन्दिर , जगाती र बाराही स्थानका बस्तीमा पानी पसेको छ।
तस्बिर: अमित श्यामा
यसैबीच, जल तथा मौसम विज्ञान विभागले जनाए अनुसार आज भक्तपुर जिल्लास्थित हनुमन्ते खोलाले सतर्कता तह पार गरेको छ । खोलामा जल सतह बढ्दो क्रममा रहेकाले टतिय क्षेत्रमा रहने सबैले सतर्कर्ता अपनाउन विभागले आग्रह गरेको छ ।
तस्बिर: अमित श्यामा
यसैबीच, विभागले आज पनि देशभर मनसुनी वायुको प्रभाव रहेको जनाएको छ । मनसुनको न्यून चापीय रेखा पूर्वतर्फ सरदर स्थानको आसपास तथा पश्चिमतर्फ सरदर स्थानको उत्तरमा अवस्थित छ ।
आज दिनभरी देशभर साधारणतयादेखि पूर्णतया बदली रहेको छ । अहिले काठमाडौं उपत्यकामा वर्षा भैरहेको छ । त्यस्तै मधेश र कर्णाली प्रदेशका एक–दुई स्थानमा, कोशी र सुदूरपश्चिम प्रदेशका थोरै स्थानहरू तथा बाँकी प्रदेशका केही स्थानहरूमा हल्कादेखि मध्यम वर्षा भइरहेको छ ।
आज दिउँसो देशभर साधारणतयादेखि पूर्णतया बदली रहने छ । सबै प्रदेशका धेरै स्थानहरूका मेघ गर्जन–चट्याङ्गसहित हल्कादेखि मध्यम वर्षाको सम्भावना रहेको छ । कोशी, बागमती , गण्डकी, लुम्बिनी, कर्णाली र सुदुरपश्चिम प्रदेशका थोरै स्थानहरूमा तथा मधेश प्रदेशका एक–दुई स्थानमा भारी वर्षाको सम्भावना रहेको छ। गण्डकी, लुम्बिनी, कर्णाली र सुदुरपश्चिम प्रदेशको एक–दुई स्थानमा धेरै भारीदेखि अति भारी वर्षाको पनि सम्भावना रहेको छ ।
